40 ﺩﯙﻟﻪﺗﻨﯩﯔ 60 ﭘﺎﺭﻻﻣﯧﻨﺖ ﺋﻪﺯﺍﺳﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻧﯩﻤﻪ ﺋﯩﺸﻰ ﺑﺎﺭ؟

40 ﺩﯙﻟﻪﺗﻨﯩﯔ 60 ﭘﺎﺭﻻﻣﯧﻨﺖ ﺋﻪﺯﺍﺳﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻧﯩﻤﻪ ﺋﯩﺸﻰ ﺑﺎﺭ؟

ﺋﻪﺭﺗﯧﻜﯩﻦ ﺋﻮﻏﯘﺯ

“ﺗﻪﯕﺮﯨﺘﺎﻍ ﺗﻮﺭﻯ”ﻧﯩﯔ 14-ﺳﯩﻨﺘﻪﺑﯩﺮ ﺋﯧﻼﻥ ﻗﯩﻠﻐﺎﻥ “60 ﺗﯩﻦ ﺋﺎﺭﺗﯘﻕ ﭼﻪﺕ ﺋﻪﻝ ﭘﺎﺭﻻﻣﯧﻨﺖ ﺋﻪﺯﺍﺳﯩﻨﯩﯔ ﻗﻪﺷﻘﻪﺭ، ﺋﯩﻠﻰ، ﺋﺎﻗﺴﯘ ﺯﯨﻴﺎﺭﯨﺘﻰ” ﻧﺎﻣﻠﯩﻖ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، 11-ﺳﯩﻨﺘﻪﺑﯩﺮﺩﯨﻦ 13-ﺳﯩﻨﺘﻪﺑﯩﺮﮔﯩﭽﻪ “60 ﺗﯩﻦ ﺋﺎﺭﺗﯘﻕ ﭼﻪﺕ ﺋﻪﻝ ﭘﺎﺭﻻﻣﯧﻨﺖ ﺋﻪﺯﺍﺳﻰ” ﺧﯩﺘﺎﻳﻨﯩﯔ ﺗﻪﻛﻠﯩﯟﻯ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺯﯨﻴﺎﺭﻩﺗﺘﻪ ﺑﻮﻟﻐﺎﻥ. ﺋﯘﻻﺭ 3 ﮔﻮﺭﯗﭘﭙﯩﻐﺎ ﺑﯚﻟﯜﻧﯜﭖ ﻗﻪﺷﻘﻪﺭ، ﻏﯘﻟﺠﺎ ﯞﻩ ﺋﺎﻗﺴﯘﺩﺍ ﺯﯨﻴﺎﺭﻩﺕ ﻗﯩﻠﺪﯗﺭﯗﻟﻐﺎﻥ. ﺯﯨﻴﺎﺭﻩﺕ ﻗﯩﻠﻐﺎﻥ ﺋﻮﺭﯗﻧﻠﯩﺮﻯ ﺋﺎﺳﺎﺳﻠﯩﻘﻰ ﺯﺍﯞﯗﺗﻼﺭ، ﺋﯧﺘﯩﺰﻟﯩﻘﻼﺭ ﯞﻩ ﺑﺎﺯﺍﺭﻻﺭ ﺑﻮﻟﻐﺎﻥ. ﺯﯨﻴﺎﺭﻩﺗﭽﯩﻠﻪﺭ ﺑﯘ ﻳﻪﺭﻟﻪﺭﺩﯨﻜﻰ “ﺗﻪﺭﻩﻗﻘﯩﻴﺎﺕ، ﺋﯩﺘﺘﯩﭙﺎﻗﻠﯩﻖ ﯞﻩ ﺑﻪﺧﺘﻠﯩﻚ ﮪﺎﻳﺎﺗﻨﻰ ﺋﯚﺯ ﻛﯚﺯﻟﯩﺮﻯ ﺑﯩﻠﻪﻥ ﻛﯚﺭﯛﭖ ﺗﻪﺳﯩﺮﻟﻪﻥﮔﻪﻥ“.

ﺧﻪﯞﻩﺭﺩﻩ ﺯﯨﻤﺒﺎﺑﯜﯞﻯ ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ ﺑﺮﺍﻳﯩﻦ ﻣﻮﺩﯗﻣﻤﻰ، ﮪﯩﻨﺪﯨﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﯩﻨﯩﯔ ﺳﺎﺑﯩﻖ ﺋﻪﺯﺍﺳﻰ ﺋﺎﺷﯘﻙ ﺩﺍﻧﯟﺍﺭ، ﺑﯩﻼﺭﯗﺳﯩﻴﻪ ﻣﯩﻠﻠﯩﻲ ﻣﻪﺟﻠﯩﺴﯩﻨﯩﯔ ﺋﻪﺯﺍﺳﻰ ﺳﯧﺮﮔﯩﻲ ﻧﺎﻟﯧﻨﯩﻚ ﻗﺎﺗﺎﺭﻟﯩﻖ ﺷﻪﺧﺴﻠﻪﺭﻧﯩﯔ ﺑﯘ ﺯﯨﻴﺎﺭﻩﺗﺘﯩﻜﻰ ﺗﻪﺳﯩﺮﺍﺗﻠﯩﺮﯨﻐﺎ ﻗﯩﺴﻘﯩﭽﻪ ﺋﻮﺭﯗﻥ ﺑﻪﺭﮔﻪﻥﺩﯨﻦ ﺑﺎﺷﻘﺎ، ﺯﯨﻴﺎﺭﻩﺗﻜﻪ ﻗﺎﺗﻨﺎﺷﻘﺎﻥ ﺩﯙﻟﻪﺗﻠﻪﺭ ﯞﻩ ﺷﻪﺧﺴﻠﻪﺭﻧﯩﯔ ﺋﯩﺴﯩﻤﻠﯩﺮﻯ ﺗﯩﻠﻐﺎ ﺋﯧﻠﯩﻨﻤﯩﻐﺎﻥ. ﺑﯘ ﺯﯨﻴﺎﺭﻩﺕ ﺋﺎﺧﯩﺮﻻﺷﻘﺎﻧﺪﯨﻦ ﻛﯧﻴﯩﻦ، ﻣﻪﺯﻛﯘﺭ “ﭼﻪﺗﻪﻟﻠﯩﻚ ﻗﺎﻧﯘﻥ ﭼﯩﻘﺎﺭﻏﯘﭼﯩﻼﺭ” ﺋﯜﺭﯛﻣﭽﯩﺪﻩ ﺋﯚﺗﻜﯜﺯﯛﻟﮕﻪﻥ “2025-ﻳﯩﻠﻠﯩﻖ ﺧﻪﻟﻘﺎﺭﺍ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﻨﯩﯔ ﺩﻭﺳﺘﺎﻧﻪ ﺋﺎﻟﻤﺎﺷﺘﯘﺭﯗﺵ ﻣﯘﻧﺒﯩﺮﻯ” ﻳﯩﻐﯩﻨﯩﻐﺎ ﻗﺎﺗﻨﺎﺷﻘﺎﻥ.

ﺧﯩﺘﺎﻱ ﮪﺎﻛﯩﻤﯩﻴﯩﺘﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﯩﻨﻰ ﻧﯩﻘﺎﭘﻼﺵ ﺋﯜﭼﯜﻥ، ﻳﯩﻠﻼﺭﺩﯨﻦ ﺑﯘﻳﺎﻥ ﺗﻮﺧﺘﯩﻤﺎﺳﺘﯩﻦ ﭼﻪﺕ ﺋﻪﻟﻠﯩﻚ ﻣﯘﺧﺒﯩﺮﻻﺭﻧﻰ، ﭘﯩﻨﺴﯩﻴﯩﮕﻪ ﭼﯩﻘﻘﺎﻥ ﺩﯙﻟﻪﺕ ﺋﻪﺭﺑﺎﺑﻠﯩﺮﯨﻨﻰ، ﮪﻪﺭﻗﺎﻳﺴﻰ ﺋﻪﻟﻠﻪﺭﺩﯨﻜﻰ ﺋﯚﻛﺘﯩﭽﻰ ﭘﺎﺭﺗﯩﻴﻪﻟﻪﺭﻧﯩﯔ ﺋﺎﺩﻩﻣﻠﯩﺮﯨﻨﻰ ﯞﻩ ﺋﯩﺠﺘﯩﻤﺎﺋﯩﻲ ﺗﺎﺭﺍﺗﻘﯘﻻﺭﺩﺍ ﺗﻪﺳﯩﺮﻯ ﻛﯜﭼﻠﯜﻙ ﺑﻮﻟﻐﺎﻥ ﺷﻪﺧﺴﻠﻪﺭﻧﻰ، ﺋﺎﺧﺒﺎﺭﺍﺕ ﺋﻮﺭﮔﺍﻧﻠﯩﺮﯨﻨﻰ ﺋﺎﻻﮪﯩﺪﻩ ﺗﻪﻛﻠﯩﭗ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺋﯧﻠﯩﭗ ﻛﯧﻠﯩﭗ، ﺳﺎﺧﺘﺎ ﺳﻪﮪﻨﯩﻠﻪﺭﻧﻰ ﻛﯚﺭﺳﯩﺘﯩﭗ، ﺑﯩﺮﻗﺎﻧﭽﻪ ﻛﯜﻧﻠﻪﺭ ﺋﻮﻳﻨﯩﺘﯩﭗ، ﺳﻮﯞﻏﺎ-ﺳﺎﻻﻣﻼﺭ ﺑﯩﻠﻪﻥ ﻳﻮﻟﻐﺎ ﺳﯧﻠﯩﭗ، ﺋﺎﺷﯘﻻﺭﻧﯩﯔ ﺯﯗﯞﺍﻧﻰ ﺋﺎﺭﻗﯩﻠﯩﻖ ﺗﻪﺗﯜﺭ ﺗﻪﺷﯟﯨﻘﺎﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﻰ ﮪﻪﻣﻤﯩﮕﻪ ﻣﻪﻟﯘﻡ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ ﮪﺎﻣﺎﻥ ﺑﯩﺮ ﻛﯜﻧﻰ ﺗﺎﺭﯨﺨﻨﯩﯔ ﺳﻮﺭﯨﻘﯩﻐﺎ ﺗﺎﺭﺗﯩﻠﯩﺪﯨﻐﺎﻥ ﺯﻭﺭ ﺟﯩﻨﺎﻳﻪﺕ ﺑﻮﻟﻐﺎﭺ، ﺧﯩﺘﺎﻳﻨﯩﯔ ﺋﯩﻨﺴﺎﻧﯩﻴﻪﺗﻜﻪ ﻗﺎﺭﺷﻰ ﺑﯘ ﺟﯩﻨﺎﻳﻪﺗﻨﻰ ﮪﻪﻡ ﺧﻪﻟﻘﺎﺭﺍ ﺳﻪﮪﻨﯩﻠﻪﺭﺩﯨﻦ، ﮪﻪﻡ ﺩﯗﻧﻴﺎ ﺟﺎﻣﺎﺋﯩﺘﯩﻨﯩﯔ ﻧﻪﺯﯨﺮﯨﺪﯨﻦ، ﮪﻪﻡ ﺋﯚﺯ ﺧﻪﻟﻘﯩﺪﯨﻦ ﻳﻮﺷﯘﺭﯗﺵ ﺋﯜﭼﯜﻥ ﮪﻪﺭﺧﯩﻞ ﭼﻪﺭﯨﻠﻪﺭﮔﻪ ﻣﯘﺭﺍﺟﯩﺌﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯛﭖ ﺗﯘﺭﯨﯟﺍﺗﯩﻤﯩﺰ.

1. ﺩﯦﭙﻠﻮﻣﺎﺗﯩﻴﻪ ﺳﺎﮪﻪﺳﯩﺪﻩ.

ﺧﯩﺘﺎﻱ “ﺋﯩﻘﺘﯩﺴﺎﺩﯨﻲ ﮪﻪﻣﻜﺎﺭﻟﯩﻖ” ﯞﻩ “ﺑﯩﺮ ﺑﻪﻟﯟﺍﻍ، ﺑﯩﺮ ﻳﻮﻝ” ﻗﯘﺭﯗﻟﯘﺷﻰ ﮪﯩﻠﯧﺴﻰ ﺑﯩﻠﻪﻥ ﺋﯚﺯﻟﯩﺮﯨﮕﻪ ﺑﯧﻘﯩﻨﺪﺍ ﮪﺎﻟﻪﺗﻜﻪ ﻛﻪﻟﺘﯜﺭﯨﯟﺍﻟﻐﺎﻥ ﮪﻪﻣﺪﻩ ﻣﻪﻧﭙﯩﺌﻪﺗﻠﻪﺭ ﺑﯩﺮﻟﯩﻜﻰ ﺋﺎﺭﻗﯩﻠﯩﻖ ﺋﯩﺘﺘﯩﭙﺎﻕ ﺑﻮﻟﯩﯟﺍﻟﻐﺎﻥ ﺩﯙﻟﻪﺗﻠﻪﺭﮔﻪ ﺗﺎﻳﯩﻨﯩﭗ، ﺋﯘﻳﻐﯘﺭ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﻰ ﻣﻪﺳﯩﻠﯩﺴﯩﻨﯩﯔ ﺧﻪﻟﻘﺎﺭﺍ ﻛﯜﻧﺘﻪﺭﺗﯩﭙﺘﻪ ﺗﯘﺭﯗﺷﯩﻐﺎ ﺋﯩﺰﭼﯩﻞ ﺗﻮﺳﻘﯘﻧﻠﯘﻕ ﻗﯩﻠﯩﭗ ﻛﻪﻟﺪﻯ. ﻣﯘﺷﯘ ﺩﯙﻟﻪﺗﻠﻪﺭﻧﯩﯔ ﻛﯜﭼﯩﮕﻪ ﺗﺎﻳﯩﻨﯩﭗ ﺋﯘﻳﻐﯘﺭ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﻰ ﻣﻪﺳﯩﻠﯩﺴﯩﻨﯩﯔ ﺏ ﺩ ﺕ ﺩﺍ ﻣﯘﺯﺍﻛﯩﺮﯨﮕﻪ ﻗﻮﻳﯘﻟﯩﺸﯩﻨﯩﯔ ﺋﺎﻟﺪﯨﻨﻰ ﺋﺎﻟﺪﻯ.

2. ﺳﺎﻳﺎﮪﻪﺕ ﺳﺎﮪﻪﺳﯩﺪﻩ.

ﺧﯩﺘﺎﻱ ﺑﯩﺮ ﺗﻪﺭﻩﭘﺘﯩﻦ ﺋﯚﺯﯨﻨﯩﯔ ﺋﯩﺸﯩﻐﺎ ﻳﺎﺭﺍﻳﺪﯨﻐﺎﻥ ﭼﻪﺕ ﺋﻪﻟﻠﯩﻜﻠﻪﺭﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥﻏﺎ ﺗﻪﻛﻠﯩﭗ ﻗﯩﻠﯩﺶ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﯞﯨﺰﺍﺳﯩﺰ ﺳﺎﻳﺎﮪﻪﺕ ﺗﯜﺯﯨﻤﻰ ﺋﺎﺭﻗﯩﻠﯩﻖ ﭼﻪﺕ ﺋﻪﻟﺪﯨﻜﻰ ﺋﯘﻳﻐﯘﺭﻻﺭﻏﺎ ﯞﻩﺗﻪﻥ ﺯﯨﻴﺎﺭﯨﺘﻰ ﺋﯜﭼﯜﻥ ﻳﻮﻝ ﺋﯧﭽﯩﭗ ﺑﯧﺮﯨﺶ، ﺋﯜﭼﯜﻧﭽﻰ ﺗﻪﺭﻩﭘﺘﯩﻦ ﺋﯩﭽﻜﯩﺮﻯ ﺧﯩﺘﺎﻳﺪﯨﻜﯩﻠﻪﺭﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺯﯨﻴﺎﺭﯨﺘﯩﮕﻪ ﺭﯨﻐﺒﻪﺗﻠﻪﻧﺪﯛﺭﯛﺵ ﺋﺎﺭﻗﯩﻠﯩﻖ، „ﭼﻪﺕ ﺋﻪﻟﺪﯨﻜﻰ ﺑﯩﺮ ﺋﯘﭼﯘﻡ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭﻧﯩﯔ ﺑﯘ ﺗﯘﭘﺮﺍﻗﺘﺎ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ ﺑﺎﺭ، ﺩﯦﮕﻪﻥ ﺳﻪﭘﺴﻪﺗﯩﻠﯩﺮﯨﻨﻰ ﻳﻮﻗﻘﺎ ﭼﯩﻘﯩﺮﯨﺶ“ ﻗﺎ ﺋﯘﺭﯗﻧﺪﻯ.

3. ﭼﻪﺕ ﺋﻪﻟﺪﯨﻜﻰ ﺋﯘﻳﻐﯘﺭ ﺳﻪﺭﺧﯩﻠﻠﯩﺮﯨﻨﻰ ﺟﯩﻤﯩﻘﺘﯘﺭﯗﺵ ﺳﺎﮪﻪﺳﯩﺪﻩ

ﺳﺎﻧﻰ ﺋﺎﺯ، ﺋﺎﺟﯩﺰ ﺑﻮﻟﺴﯩﻤﯘ، ﭼﻪﺕ ﺋﻪﻟﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭ ﺗﻪﺷﻜﯩﻠﻠﯩﻚ ﻳﺎﻛﻰ ﺗﻪﺷﻜﯩﻠﺴﯩﺰ ﮪﺎﻟﺪﺍ ﺧﯩﺘﺎﻳﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ ﺟﯩﻨﺎﻳﯩﺘﯩﻨﯩﯔ ﺩﯗﻧﻴﺎﻏﺎ ﺗﻮﻧﯘﻟﯩﺸﻰ ﯞﻩ ﺧﻪﻟﻘﺎﺭﺍ ﻛﯜﻧﺘﻪﺭﺗﯩﭙﻜﻪ ﻛﯧﻠﯩﺸﯩﮕﻪ ﻛﯜﭼﻠﯜﻙ ﮪﻪﺳﺴﻪ ﻗﺎﺗﺘﻰ ﮪﻪﻣﺪﻩ ﺑﯘ ﺟﺎﺳﺎﺭﻩﺗﻠﯩﺮﯨﻨﻰ ﺩﺍﯞﺍﻣﻼﺷﺘﯘﺭﯨﯟﺍﺗﯩﺪﯗ. ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﯞﻩ ﺋﻪﯓ ﯞﻩﮪﺸﯩﻲ ﮪﺎﻛﯩﻤﯩﻴﻪﺕ ﺑﻮﻟﻐﺎﻥ ﺧﯩﺘﺎﻱ ﺑﯩﻠﻪﻥ ﺗﯧﺮﻛﯩﺸﯩﺶ ﻏﺎﻳﻪﺕ ﺯﻭﺭ ﺑﻪﺩﻩﻝ ﺗﻪﻟﻪﭖ ﻗﯩﻠﯩﺪﯗ. ﺧﯩﺘﺎﻱ ﮪﺎﻛﯩﻤﯩﻴﯩﺘﻰ ﺑﯘ ﺳﺎﻧﻰ ﺋﺎﺯ، ﺋﺎﺟﯩﺰ ﺑﻮﻟﻐﺎﻥ ﺭﻩﻗﯩﭙﻠﯩﺮﯨﻨﻰ ﻳﺎﻟﻐﺎﻧﭽﯩﻐﺎ ﭼﯩﻘﯩﺮﯨﺶ، ﺋﯚﺯﺍﺭﺍ ﺋﯩﺨﺘﯩﻼﭘﻼﺭ ﺑﯩﻠﻪﻥ ﭘﺎﺭﭼﯩﻼﺵ ﻳﺎﻛﻰ ﺋﯘﻻﺭﻧﯩﯔ ﺳﻪﺭﺧﯩﻠﻠﯩﺮﯨﻨﻰ ﺳﯧﺴﯩﺘﯩﭗ ﻳﻮﻗﯘﺗﯘﺵ ﺋﺎﺭﻗﯩﻠﯩﻖ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺋﯘﻳﻐﯘﺭ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﯩﻨﻰ „ﻳﯧﭙﯩﻖ ﻗﺎﺯﺍﻥ“ ﮪﺎﻟﯩﺘﯩﮕﻪ ﺋﻪﻛﯩﻠﯩﺸﻜﻪ ﺗﯧﺮﯨﺸﯩﯟﺍﺗﯩﺪﯗ.

4. ﺗﻪﺷﯟﯨﻘﺎﺕ ﺳﺎﮪﻪﺳﯩﺪﻩ

ﺧﯩﺘﺎﻱ ﺋﯚﺯﯨﻨﯩﯔ ﺋﯩﭽﻜﯩﻲ-ﺗﺎﺷﻘﯩﻲ ﺗﻪﺷﯟﯨﻘﺎﺗﻠﯩﺮﯨﻐﺎ ﺋﺎﻻﮪﯩﺪﻩ ﺋﻪﮪﻤﯩﻴﻪﺕ ﺑﯧﺮﯨﯟﺍﺗﯩﺪﯗ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﯩﻨﯩﯔ ﮪﻪﺭﻛﯜﻧﻰ ﻧﺎﺧﺸﺎ-ﺋﯘﺳﯘﻝ ﺑﯩﻠﻪﻥ ﻛﯚﯕﻠﯩﻨﻰ ﺧﯘﺵ ﻗﯩﻠﯩﭗ ﺋﯚﺗﯩﯟﺍﺗﻘﺎﻥ ﺑﻪﺧﺘﻠﯩﻚ ﺑﯩﺮ ﺧﻪﻟﻖ ﺋﯩﻜﻪﻧﻠﯩﻜﻰ، „ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ، ﻣﻪﺩﻩﻧﯩﻴﻪﺕ ﻗﯩﺮﻏﯩﻨﭽﯩﻠﯩﻘﻰ، ﻣﻪﺟﺒﯘﺭﯨﻲ ﺋﻪﻣﮕﻪﻙ، ﺟﺎﺯﺍ ﻻﮔﯩﺮﻯ“ ﺩﯦﮕﻪﻧﻠﻪﺭﻧﯩﯔ ﺋﺎﻣﯧﺮﯨﻜﺎ ﺑﺎﺷﻠﯩﻖ ﻏﻪﺭﺏ ﺩﯛﺷﻤﻪﻥ ﻛﯜﭼﻠﯩﺮﻯ ﻗﻪﺳﺘﻪﻥ ﺋﻮﻳﺪﯗﺭﯗﭖ ﭼﯩﻘﺎﺭﻏﺎﻥ ﭘﯩﺘﻨﻪ-ﺋﯧﻐﯟﺍ ﺋﯩﻜﻪﻧﻠﯩﻜﯩﻨﻰ ﺋﯩﺰﭼﯩﻞ ﺑﺎﺯﺍﺭﻏﺎ ﺳﯧﻠﯩﭗ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ „ﺋﯘﻳﻐﯘﺭﻻﺭﻧﯩﯔ ﺟﻪﻧﻨﯩﺘﻰ“ ﻗﯩﻠﯩﭗ ﻛﯚﺭﺳﯩﺘﯩﺸﻜﻪ ﺗﯧﺭﯨﺸﯩﯟﺍﺗﯩﺪﯗ.

ﺧﯩﺘﺎﻳﻨﯩﯔ ﺑﯘ ﺗﯧﺮﯨﺸﭽﺎﻧﻠﯩﻘﻰ ﯞﻩ ﺋﯘﺭﯗﻧﯘﺷﻠﯩﺮﯨﻨﯩﯔ ﺑﻪﻟﮕﯩﻠﯩﻚ ﺗﻪﺳﯩﺮﻯ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯨﯟﺍﺗﯩﻤﯩﺰ. ﻛﯜﭺ ﺯﺍﻟﯩﻤﻼﺭﻧﯩﯔ ﻗﻮﻟﯩﻐﺎ ﺋﯚﺗﻜﻪﻥ ﭼﺎﻏﺪﺍ، ﺋﺎﺩﺍﻟﻪﺕ ﺋﯩﺴﺘﯩﮕﻪﻧﻠﻪﺭﻧﯩﯖﻤﯘ ﭼﺎﺭﯨﺴﯩﺰﻟﯩﻜﺘﯩﻦ ﺯﯗﯞﺍﻧﻰ ﺗﯘﺗﯘﻟﯘﭖ ﻗﺎﻟﯩﺪﯨﻜﻪﻥ. ﺋﯩﻨﺴﺎﻧﻼﺭﻧﯩﯔ ﻧﻪﭘﺴﻰ-ﺧﺎﮪﯩﺸﻰ ﺋﯜﺳﺘﯜﻧﻠﯩﻜﻨﻰ ﺋﯩﮕﯩﻠﯩﮕﻪﻧﺪﻩ، ﻣﻪﺯﻟﯘﻣﻼﺭﻧﯩﯔ ﺋﺎﮪﯩﻐﺎ ﻗﯘﻻﻕ ﺳﺎﻟﯩﺪﯨﻐﺎﻥ ﺋﺎﺩﯨﻤﯩﻴﻠﯩﻚ ﺋﯚﻟﯩﺪﯨﻜﻪﻥ. ﺋﯩﻨﺴﺎﻧﻼﺭ، ﺩﯙﻟﻪﺗﻠﻪﺭ، ﺑﻪﺯﯨﺪﻩ ﺋﯚﺯ ﻣﻪﻧﭙﯩﺌﻪﺗﻰ ﺋﯜﭼﯜﻥ ﺑﺎﺷﻘﯩﻼﺭﻧﻰ ﭘﯘﻟﻨﯩﯔ ﺋﻮﺭﻧﯩﺪﺍ ﺧﻪﺟﻠﻪﯞﯨﺮﯨﺸﺘﯩﻦ ﺗﺎﺭﺗﯩﻨﻤﺎﻳﺪﯨﻜﻪﻥ.

ﺑﯘ 40 ﺩﯙﻟﻪﺗﻨﯩﯔ 60 ﭘﺎﺭﻻﻣﯧﻨﺖ ﺋﻪﺯﺍﺳﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺯﺍﺩﻯ ﻧﯩﻤﻪ ﺋﯩﺸﻰ ﺑﺎﺭ؟

ﺋﻪﮔﻪﺭ ﺑﯩﺮﻩﺭ ﭼﻪﺕ ﺋﻪﻟﻠﯩﻚ ﭘﺎﺭﻻﻣﯧﻨﺖ ﺋﻪﺯﺍﺳﻰ „ﺑﯩﺰ ﺋﯚﺯ ﻛﯚﺯﯨﻤﯩﺰ ﺑﯩﻠﻪﻥ ﻛﯚﺭﺩﯗﻕ، ﺷﯩﻨﺠﺎﯕﺪﺍ ﺯﯗﻟﯘﻡ ﻳﻮﻗﻜﻪﻥ، ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ ﺩﯦﮕﻪﻧﻠﻪﺭ ﭘﯜﺗﯜﻧﻠﻪﻱ ﻳﺎﻟﻐﺎﻧﻜﻪﻥ“ ﺩﯦﺴﻪ، ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﻯ ﺑﯘﻧﯩﯖﺪﯨﻦ ﻗﺎﻧﭽﯩﻠﯩﻚ ﭘﺎﻳﺪﯨﻠﯩﻨﯩﺪﯗ؟ ﺑﯘﻧﯩﯔ ﺗﻪﺳﯩﺮﻯ ﻗﺎﻧﺪﺍﻕ ﺑﻮﻟﯩﺪﯗ؟

ﺋﯧﻨﯩﻘﻜﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥﻏﺎ ﺑﺎﺭﻏﺎﻥ ﺑﯘ 60 ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﻨﯩﯔ ﮪﻪﻣﻤﯩﺴﻰ ﺧﯩﺘﺎﻳﻨﯩﯔ ﺯﯗﯞﺍﻧﻰ ﺑﻮﻟﯘﺷﻨﻰ ﺧﺎﻟﯩﻤﯩﺴﯩﻤﯘ، ﺋﯘﻻﺭﻧﯩﯔ ﺋﯩﭽﯩﺪﯨﻦ ﮪﯩﭻ ﺑﻮﻟﻤﯩﺴﺎ 6 ﻧﻪﭘﯩﺮﯨﻨﯩﯔ ﺧﯩﺘﺎﻱ ﺋﯜﭼﯜﻥ ﺳﯚﺯﻟﻪﻳﺪﯨﻐﺎﻧﻠﯩﻘﯩﺪﺍ ﺷﯜﺑﮭﻰ ﻳﻮﻕ. ﭼﯜﻧﻜﻰ ﺧﯩﺘﺎﻱ ﺳﻮﯞﻏﺎ-ﺳﺎﻻﻣﻼﺭ ﺑﯩﻠﻪﻥ ﺋﯘﻻﺭﻧﯩﯔ ﻛﯚﯕﻠﯩﻨﻰ ﺧﯘﺵ ﻗﯩﻠﯩﭗ، ﻳﺎﻧﭽﯘﻗﯩﻐﺎ ﺑﯩﺮﻩﺭ ﺑﺎﻏﻼﻡ ﺩﻭﻟﻼﺭﻧﻰ ﺳﯧﻠﯩﭗ ﺋﯘﺯﺍﺗﻘﺎﻥ ﭼﺎﻏﻠﯩﺮﯨﺪﺍ، ﺋﯚﺯﻟﯩﺮﯨﻨﯩﯔ ﺷﯩﻨﺠﺎﯓ ﺗﻮﻏﺮﯨﺴﯩﺪﯨﻜﻰ ﺋﯩﻠﺘﯩﻤﺎﺳﻠﯩﺮﯨﻨﻰ ﺋﯘﻻﺭﻧﯩﯔ ﻗﯘﻻﻗﻠﯩﺮﯨﻐﺎ ﺷﯩﯟﯨﺮﻻﭖ ﻗﻮﻳﯘﺷﻨﻰ ﺋﯘﻧﯘﺗﻤﺎﻳﺪﯗ. ﺋﻪﮔﻪﺭ ﺋﯘﻻﺭ ﻛﯧﺮﻩﻛﻜﻪ ﻛﻪﻟﺴﻪ، ﺑﯘ ﺧﯩﺘﺎﻱ ﺋﯜﭼﯜﻥ ﭼﻮﯓ ﺋﯘﺗﯘﻕ ﮪﯧﺴﺎﺑﻠﯩﻨﯩﺪﯗ.

https://www.ts.cn/xwzx/shxw/202509/t20250914_30619374.shtml