ﺋﯘﻳﻐﯘﺭ ﺑﺎﻟﯩﻼﺭﻧﯩﯔ ﮪﯧﺴﺎﺑﯩﻨﻰ ﺳﻮﺭﺍﻳﺪﯨﻐﺎﻥ ﻛﯜﻧﻠﻪﺭ ﺗﯩﺰﺭﺍﻕ ﻛﻪﻟﺴﯩﻜﻪﻥ ﺩﻩﻳﻤﯩﺰ…..

ﺋﯘﻳﻐﯘﺭ ﺑﺎﻟﯩﻼﺭﻧﯩﯔ ﮪﯧﺴﺎﺑﯩﻨﻰ ﺳﻮﺭﺍﻳﺪﯨﻐﺎﻥ ﻛﯜﻧﻠﻪﺭ ﺗﯩﺰﺭﺍﻕ ﻛﻪﻟﺴﯩﻜﻪﻥ ﺩﻩﻳﻤﯩﺰ…..

.

ﺋﻪﺭﺗﯧﻜﯩﻦ ﺋﻮﻏﯘﺯ

.

ﺑﺎﻻ ﺩﻩﺭﺩﻯ ﺋﯧﻐﯩﺮ ﺑﻮﻟﻐﺎﭼﻘﺎ، „ﺋﺎﻟﻼﮪﯩﻢ، ﺑﯩﺰﻧﻰ ﺑﺎﻻ ﺩﻩﺭﺩﻯ ﺑﯩﻠﻪﻥ ﺳﯩﻨﯩﻤﯩﻐﯩﻦ!“ ﺩﻩﭖ ﺩﯗﺋﺎ ﻗﯩﻠﯩﻤﯩﺰ.

ﺧﯩﺘﺎﻱ „ﺑﯩﺮ ﭘﻪﺭﺯﻩﻧﺘﻠﯩﻚ ﺑﻮﻟﯘﺵ“ ﺳﯩﻴﺎﺳﯩﺘﯩﻨﻰ ﻳﻮﻟﻐﺎ ﻗﻮﻳﻐﺎﻧﺪﯨﻦ ﺑﯘﻳﺎﻥ، ﺧﯩﺘﺎﻳﺪﺍ 400 ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﺑﻮﯞﺍﻕ ﻛﻪﻡ ﺗﯘﻏﯘﻟﻐﺎﻥ. ﺑﯘﻧﯩﯔ ﻗﺎﻧﭽﻪ ﭘﯩﺮﺳﻪﻧﺘﯩﻨﻰ ﻣﯘﺳﺘﻪﻣﻠﯩﻜﻪ ﺋﺎﺳﺘﯩﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ، ﺗﯩﺒﻪﺕ ﯞﻩ ﺟﻪﻧﯘﺑﯩﻲ ﻣﻮﯕﻐﯘﻟﯩﻴﻪﻟﯩﻚ ﺑﺎﻟﯩﻼﺭ ﺋﯩﮕﯩﻠﻪﻳﺪﯨﻐﺎﻧﻠﯩﻘﻰ ﮪﻪﻗﻘﯩﺪﻩ ﻣﻪﻟﯘﻣﺎﺕ ﻳﻮﻕ. ﻟﯧﻜﯩﻦ، 30 ﻳﯩﻠﺪﯨﻦ ﺋﺎﺭﺗﯘﻕ ﺩﺍﯞﺍﻣﻼﺷﻘﺎﻥ ﺑﯘ ﺳﯩﻴﺎﺳﻪﺕ ﺳﻪﯞﻩﺑﯩﺪﯨﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﺋﯘﻳﻐﯘﺭ ﭘﻪﺭﺯﻩﻧﺘﯩﻨﯩﯔ ﻗﻪﺗﻠﻰ ﻗﯩﻠﯩﻦﻏﺎﻧﻠﯩﻘﯩﺪﯨﻦ ﺷﯜﺑﮭﯩﻠﻪﻧﻤﻪﻳﻤﯩﺰ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ 2016-ﻳﯩﻠﻰ ﺟﺎﺯﺍ ﻻﮔﯩﺮﻟﯩﺮﻯ ﻗﯘﺭﯗﻟﯘﭖ ﻛﻪﯓ ﻛﯚﻟﻪﻣﻠﯩﻚ ﺗﯘﺗﻘﯘﻥ ﻗﯩﻠﯩﺶ ﺑﺎﺷﻼﻥﻏﺎﻧﺪﯨﻦ ﻛﯧﻴﯩﻦ، ﺋﺎﺗﺎ-ﺋﺎﻧﯩﺴﻰ ﻻﮔﯩﺮﻻﺭﻏﺎ ﺳﻮﻻﻥﻏﺎﻥ ﺋﯘﻳﻐﯘﺭﻻﺭﻧﯩﯔ ﺋﺎﺯ ﺩﯦﮕﻪﻧﺪﻩ ﺑﯩﺮ ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﭘﻪﺭﺯﻩﻧﺘﯩﻨﯩﯔ ﺯﻭﺭﻟﯘﻕ ﺑﯩﻠﻪﻥ ﻳﯩﻐﯩﯟﯦﻠﯩﻨﯩﭗ، ﺩﯙﻟﻪﺕ ﺑﺎﺷﻘﯘﺭﯗﺷﯩﺪﯨﻜﻰ ﺋﺎﺗﺎﻟﻤﯩﺶ „ﺑﺎﻟﯩﻼﺭ ﺗﻪﺭﺑﯩﻴﯩﻠﻪﺵ ﻣﻪﺭﻛﻪﺯﻟﯩﺮﻯ“ ﻳﺎﻛﻰ „ﻳﺎﺗﺎﻗﻠﯩﻖ ﻣﻪﻛﺘﻪﭖ“ﻟﻪﺭﺩﻩ ﭼﯩﺮﺍﻳﻰ ﺋﯘﻳﻐﯘﺭ، ﺭﻭﮪﻰ ﺧﯩﺘﺎﻱ ﻳﯧﺘﯩﺸﺘﯜﺭﯨﻠﯩﯟﺍﺗﻘﺎﻧﻠﯩﻘﻰ ﺋﺎﺷﻜﺎﺭﻩ ﺑﻮﻟﻐﺎﻥ ﺋﯩﺪﻯ. ﭘﻪﺭﺯﻩﻧﺘﻠﯩﺮﯨﺪﯨﻦ ﺋﺎﻳﺮﯨﻠﯩﭗ ﻗﺎﻟﻐﺎﻥ ﺋﺎﺗﺎ-ﺋﺎﻧﯩﻼﺭﻧﯩﯔ ﻗﻪﻟﺒﯩﻨﯩﯔ ﺑﯘ ﺩﻩﺭﺗﻠﻪﺭﺩﯨﻦ ﻗﺎﻧﭽﯩﻠﯩﻚ ﺋﺎﺯﺍﭘﻼﻥﻏﺎﻧﻠﯩﻘﯩﻨﻰ ﺗﻪﺳﻪﯞﯞﯗﺭ ﻗﯩﻼﻻﻳﻤﯩﺰ. ﺑﯘ ﺯﯗﻟﯘﻣﻨﯩﯔ ﮪﯧﺴﺎﺏ-ﻛﯩﺘﺎﺑﯩﻨﻰ ﻗﯩﻠﯩﺪﯨﻐﺎﻥ ﺑﯩﺮ ﺯﺍﻣﺎﻧﻨﯩﯔ ﺗﯩﺰﺭﺍﻕ ﻛﯧﻠﯩﺸﯩﻨﻰ ﺋﯜﻣﯩﺪ ﻗﯩﻠﻤﺎﻳﺪﯨﻐﺎﻥ ﺋﯘﻳﻐﯘﺭ ﻳﻮﻕ. ﭘﻪﻗﻪﺕ ﺋﯘﻳﻐﯘﺭﻻ ﭼﯩﺪﯨﻴﺎﻻﻳﺪﯨﻐﺎﻥ ﺑﯘ ﺩﻩﺭﺗﻠﻪﺭﺩﯨﻦ ﻗﯘﺗﯘﻟﯘﺷﻨﯩﯔ ﺋﺎﺭﻣﺎﻧﯩﺪﺍ ﻳﺎﺷﺎﯞﺍﺗﯩﻤﯩﺰ.

ﺋﺎﻣﯧﺮﯨﻜﺎﻟﯩﻖ ﻳﺎﺯﻏﯘﭼﻰ ﺑﺎﺭﺑﺎﺭﺍ ﺩﯦﻤﯩﻚ (Barbara Démick) ﻳﯧﻘﯩﻨﺪﺍ „ﺧﯩﺘﺎﻳﻨﯩﯔ ﺋﻮﻏﯘﺭﻻﻥﻏﺎﻥ ﻗﯩﺰﻟﯩﺮﻯ“ ﺗﯧﻤﯩﺴﯩﺪﺍ ﺑﯩﺮ ﻛﯩﺘﺎﺏ ﻳﺎﺯﻏﺎﻥ. ﺑﯘ ﻛﯩﺘﺎﺏ „ﺧﯩﺘﺎﻳﻨﯩﯔ ﺑﯩﺮ ﭘﻪﺭﺯﻩﻧﺘﻠﯩﻚ ﺳﯩﻴﺎﺳﯩﺘﯩﺪﯨﻦ ﮪﯧﺴﺎﺏ ﺳﻮﺭﺍﺵ“ ﺩﻩﭖ ﺗﻪﺑﯩﺮﻟﻪﻥﮔﻪﻥ. ﻛﯩﺘﺎﺑﺪﺍ، ﺧﯩﺘﺎﻱ ﮪﺎﻛﯩﻤﯩﻴﯩﺘﯩﻨﯩﯔ ﻳﯩﻠﻼﺭﺩﯨﻦ ﺑﯘﻳﺎﻥ „ﺑﯩﺮ ﭘﻪﺭﺯﻩﻧﺘﻠﯩﻚ ﺑﻮﻟﯘﺵ“ ﺳﯩﻴﺎﺳﯩﺘﯩﻨﻰ ﻳﻮﻟﻐﺎ ﻗﻮﻳﯘﭖ، „ﻧﻮﭘﯘﺳﻨﻰ ﺋﯜﻧﯜﻣﻠﯩﻚ ﺗﯩﺰﮔﯩﻨﻠﯩﺪﯗﻕ“ ﺩﻩﭖ، 400 ﻣﯩﻠﻴﻮﻥ ﺑﻮﯞﺍﻗﻨﯩﯔ ﺟﯧﻨﯩﻐﺎ ﺯﺍﻣﯩﻦ ﺑﻮﻟﻐﺎﻧﻠﯩﻘﯩﺪﯨﻦ ﭘﻪﺧﯩﺮﻟﯩﻨﯩﭗ ﻛﻪﻟﮕﻪﻧﻠﯩﻜﯩﻨﻰ، ﺑﯜﮔﯜﻥﮔﻪ ﻛﻪﻟﮕﻪﻧﺪﻩ ﺑﻮﻟﺴﺎ، ﺧﯩﺘﺎﻳﺪﺍ ﻧﻮﭘﯘﺳﻨﯩﯔ ﻛﯚﭘﯩﻴﯩﺸﻰ ﺗﯩﺰ ﺳﯜﺭﻩﺗﺘﻪ ﺗﯚﯞﻩﻧﻠﻪﭖ، ﺟﯩﺪﺩﯨﻲ ﺭﻩﯞﯨﺸﺘﯩﻜﻰ ﺋﻪﻣﮕﻪﻙ ﻛﯜﭼﻰ ﻛﯩﺮﯨﺰﯨﺴﻰ ﭘﻪﻳﺪﺍ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ. ﺷﯘﻧﺪﺍﻗﻼ، ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﯩﺘﯩﮕﻪ ﺧﯩﻼﭖ ﮪﺎﻟﺪﺍ ﻛﯚﭖ ﭘﻪﺭﺯﻩﻧﺘﻠﯩﻚ ﺑﻮﻟﻐﺎﻥ ﺧﯩﺘﺎﻱ ﺩﯦﮭﻘﺎﻧﻠﯩﺮﯨﻨﯩﯔ ﺑﺎﻟﯩﻠﯩﺮﯨﻨﯩﯔ ﺋﻪﻳﻨﻰ ﭼﺎﻏﺪﺍ ﮪﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﻣﻪﺟﺒﯘﺭﯨﻲ ﺋﻮﻏﯘﺭﻻﭖ ﻳﺎﻛﻰ ﺑﯘﻻﭖ ﻛﯧﺘﯩﻠﮕﻪﻧﻠﯩﻜﻰ، ﺋﺎﺭﻗﺎ ﭘﻪﺭﺩﯨﺪﻩ، ﺑﯘ ﺑﺎﻟﯩﻼﺭﻧﯩﯔ „ﺋﺎﺗﺎ-ﺋﺎﻧﯩﺴﻰ ﺗﻪﺭﯨﭙﯩﺪﯨﻦ ﺗﺎﺷﻠﯩﯟﯦﺘﯩﻠﮕﻪﻥ“ﻟﯩﻚ ﺳﺎﺧﺘﺎ ﺋﺎﺭﺧﯩﭙﻰ ﻳﺎﺳﯩﻠﯩﭗ، ﭼﻪﺕ ﺋﻪﻟﻠﻪﺭﮔﻪ ﺳﯧﺘﯩﻠﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺩﻩﻟﯩﻠﻠﻪﺭ ﮪﯧﻜﺎﻳﻪ ﻗﯩﻠﯩﻦﻏﺎﻥ.

„ﺧﯩﺘﺎﻳﻨﯩﯔ ﺑﯩﺮ ﭘﻪﺭﺯﻩﻧﺘﻠﯩﻚ ﺳﯩﻴﺎﺳﯩﺘﯩﺪﯨﻦ ﮪﯧﺴﺎﺏ ﺳﻮﺭﺍﺵ“ ﺗﻪﺑﯩﺮﻯ، ﺗﻪﺑﯩﺌﯩﻲ ﮪﺎﻟﺪﺍ ﺑﯩﺰﻧﻰ ﻣﻪﺟﺒﯘﺭﯨﻲ ﺗﯘﺗﯘﭖ ﻛﯧﺘﯩﻠﯩﭗ ﺧﯩﺘﺎﻳﻼﺷﺘﯘﺭﯨﻠﯩﯟﺍﺗﻘﺎﻥ ﻧﺎﺭﯨﺴﯩﺪﻩ ﺋﯘﻳﻐﯘﺭ ﭘﻪﺭﺯﻩﻧﺘﻠﯩﺮﻯ ﮪﻪﻗﻘﯩﺪﻩ ﺋﻮﻳﻠﯩﻨﯩﺸﻘﺎ ﻣﻪﺟﺒﯘﺭﻻﻳﺪﯗ. ﻳﯜﺭﻩﻛﻠﻪﺭﻧﻰ ﺳﯩﻘﯩﺪﯨﻐﺎﻥ ﺑﯘ ﺗﯧﻤﺎﺩﯨﻦ ﺋﯚﺯﯨﻤﯩﺰﻧﻰ ﻗﺎﭼﯘﺭﯗﺷﻘﺎ ﺋﺎﻣﯩﻠﺴﯩﺰﻣﯩﺰ. ﻗﻪﻟﺒﯩﻤﯩﺰ „ﺋﺎﻟﻼﮪﯩﻢ، ﺋﯘﻳﻐﯘﺭ ﺑﺎﻟﯩﻠﯩﺮﯨﻨﯩﯔ ﮪﯧﺴﺎﺑﯩﻨﻰ ﺳﻮﺭﺍﻳﺪﯨﻐﺎﻥ ﺑﯩﺮ ﻛﯜﻧﻠﻪﺭﻧﻰ ﺑﯩﺰﮔﻪ ﺗﯩﺰﺭﺍﻕ ﻧﻪﺳﯩﺐ ﺋﻪﻳﻠﯩﮕﯩﻦ!“ ﺩﻩﭖ ﺩﯗﺋﺎ ﻗﯩﻠﯩﺪﯗ. ﭼﺎﺭﯨﺴﯩﺰﻟﯩﻚ ﺋﯩﭽﯩﺪﻩ ﻗﺎﻧﺎﯞﺍﺗﻘﺎﻥ ﻛﯚﯕﯜﻝ ﻳﺎﺭﯨﻤﯩﺰﻏﺎ ﺩﺍﯞﺍ ﺋﯩﺴﺘﻪﻳﺪﯗ. ﺩﯦﻤﯩﺴﯩﻤﯘ، ﺑﺎﻻ ﺩﻩﺭﺩﻯ ﻧﻪﻗﻪﺩﻩﺭ ﺋﯧﻐﯩﺮ!؟